Sankat Mochan Naam Tiharo Lyrics in Hindi & English – संकट मोचन नाम तिहारो लिरिक्स
Sankat Mochan Naam Tiharo Lyrics in Hindi
बाल समय रवि भक्षी लियो तब,
तीनहुं लोक भयो अंधियारों,
ताहि सों त्रास भयो जग को,
यह संकट काहु सों जात न टारो ।
देवन आनि करी बिनती तब,
छाड़ी दियो रवि कष्ट निवारो,
को नहीं जानत है जग में कपि,
संकट मोचन नाम तिहारो ।
बालि की त्रास कपीस बसैं गिरि,
जात महाप्रभु पंथ निहारो,
चौंकि महामुनि साप दियो तब,
चाहिए कौन बिचार बिचारो ।
कैद्विज रूप लिवाय महाप्रभु,
सो तुम दास के सोक निवारो,
को नहीं जानत है जग में कपि,
संकट मोचन नाम तिहारो ।
अंगद के संग लेन गए सिय,
खोज कपीस यह बैन उचारो,
जीवत ना बचिहौ हम सो जु,
बिना सुधि लाये इहाँ पगु धारो ।
हेरी थके तट सिन्धु सबै तब,
लाए सिया सुधि प्राण उबारो,
को नहीं जानत है जग में कपि,
संकट मोचन नाम तिहारो ।
रावण त्रास दई सिय को सब,
राक्षसी सों कही सोक निवारो,
ताहि समय हनुमान महाप्रभु,
जाए महा रजनीचर मारो ।
चाहत सीय असोक सों आगि सु,
दै प्रभुमुद्रिका सोक निवारो,
को नहीं जानत है जग में कपि,
संकट मोचन नाम तिहारो ।
बान लग्यो उर लछिमन के तब,
प्राण तजे सुत रावन मारो,
लै गृह बैद्य सुषेन समेत,
तबै गिरि द्रोण सु बीर उपारो ।
आनि सजीवन हाथ दई तब,
लछिमन के तुम प्रान उबारो,
को नहीं जानत है जग में कपि,
संकट मोचन नाम तिहारो ।
रावन युद्ध अजान कियो तब,
नाग कि फाँस सबै सिर डारो,
श्रीरघुनाथ समेत सबै दल,
मोह भयो यह संकट भारो ।
आनि खगेस तबै हनुमान जु,
बंधन काटि सुत्रास निवारो,
को नहीं जानत है जग में कपि,
संकट मोचन नाम तिहारो ।
बंधु समेत जबै अहिरावन,
लै रघुनाथ पताल सिधारो,
देबिहिं पूजि भलि विधि सों बलि,
देउ सबै मिलि मन्त्र विचारो ।
जाय सहाय भयो तब ही,
अहिरावन सैन्य समेत संहारो,
को नहीं जानत है जग में कपि,
संकट मोचन नाम तिहारो ।
काज किये बड़ देवन के तुम,
बीर महाप्रभु देखि बिचारो,
कौन सो संकट मोर गरीब को,
जो तुमसे नहिं जात है टारो ।
बेगि हरो हनुमान महाप्रभु,
जो कछु संकट होय हमारो,
को नहीं जानत है जग में कपि,
संकट मोचन नाम तिहारो ।
।। दोहा ।।
लाल देह लाली लसे,
अरु धरि लाल लंगूर,
वज्र देह दानव दलन,
जय जय जय कपि सूर ।
Sankat Mochan Naam Tiharo Lyrics in English
bal samay ravi bhakshi leo tab,
teenahun lok bhayo andhiyaron,
taahi son tras bhayo jag ko,
yah sankat kahu son jaat na taro.
devan ani kari binti tab,
chhadi diyo ravi kasht nivaro,
ko nahin janat hai jag mein kapi,
Sankat Mochan Naam Tiharo.
bali ki tras kapis basain giri,
jat mahaprabhu panth niharo,
chaunki mahamuni saap diyo tab,
chahiye kaun bichar bicharo.
kaidvij roop livay mahaprabhu,
so tum das ke sok nivaro,
ko nahin janat hai jag mein kapi,
sankat mochan naam tiharo.
angad ke sang lane gaye siya,
khoj kapis yah ban ucharo,
jivat na bachihau hum so ju,
bina sudhi laye ihan pagu dharo.
heri thake tat sindhu sabae tab,
laye siya sudhi pran ubaro,
ko nahin janat hai jag mein kapi,
sankat mochan naam tiharo.
ravan tras dai siye ko sab,
rakshasi son kahi sok nivaro,
taahi samay hanuman mahaprabhu,
jaye maha rajnichar maro.
chahat siya asok son aagi su,
dai prabhumudrika sok nivaro,
ko nahin janat hai jag mein kapi,
sankat mochan naam tiharo.
baan lagyo ur lachhiman ke tab,
pran taje sut ravan maro,
lai grah baidya sushen samet,
tabai giri dron su bir uparo.
aani sajivan haath dai tab,
lachhiman ke tum pran ubaro,
ko nahin janat hai jag mein kapi,
sankat mochan naam tiharo.
ravan yudh ajan kiyo tab,
nag ki faans sabae sir daro,
shriraghunath samet sabae dal,
moh bhayo yah sankat bharo.
aani khages tabai hanuman ju,
bandhan kati sutras nivaro,
ko nahin janat hai jag mein kapi,
sankat mochan naam tiharo.
bandhu samet jabai ahiravan,
lai raghunath pataal sidharo,
debihin puji bhali vidhi son bali,
deo sabae mili mantra vicharo.
jay sahay bhayo tab hi,
ahiravan sainya samet sanharo,
ko nahin janat hai jag mein kapi,
sankat mochan naam tiharo.
kaj kiye bad devan ke tum,
bir mahaprabhu dekhi bicharo,
kaun so sankat mor garib ko,
jo tumse nahin jaat hai taro.
begi haro hanuman mahaprabhu,
jo kachhu sankat hoy hamaro,
ko nahin janat hai jag mein kapi,
sankat mochan naam tiharo.
।। doha ।।
lal deh lali lase,
aru dhari lal langoor,
vajra deh danav dalan,
jay jai jai kapi soor.
