Na Mantram No Yantram Lyrics in Hindi & English – न मंत्रम नो यंत्रम लिरिक्स
Na Mantram No Yantram Lyrics in Hindi
न मंत्रम नो यंत्रम तदपि च न जाने स्तुतिमहो,
न चाह्वानं ध्यानं तदपि च न जाने स्तुतिकथाः,
न जाने मुद्रास्ते तदपि च न जाने विलपनं,
परं जाने मातस्त्वदनुसरणं क्लेशहरणम् ।
विधेरज्ञानेन द्रविणविरहेणालसतया,
विधेयाशक्यत्वात्तव चरणयोर्या च्युतिरभूत,
तदेतत् क्षन्तव्यं जननि सकलोद्धारिणि शिवे,
कुपुत्रो जायेत क्वचिदपि कुमाता न भवति ।
पृथिव्यां पुत्रास्ते जननि बहवः सन्ति सरलाः,
परं तेषां मध्ये विरलतरलोऽहं तव सुतः,
मदीयोऽयं त्यागः समुचितमिदं नो तव शिवे,
कुपुत्रो जायेत क्वचिदपि कुमाता न भवति ।
जगन्मातर्मातस्तव चरणसेवा न रचिता,
न वा दत्तं देवि द्रविणमपि भूयस्तव मया,
तथापि त्वं स्नेहं मयि निरुपमं यत्प्रकुरुषे,
कुपुत्रो जायेत क्वचिदपि कुमाता न भवति ।
परित्यक्ता देवा विविधविधसेवाकुलतया,
मया पञ्चाशीतेरधिकमपनीते तु वयसि,
इदानीं चेन्मातस्तव यदि कृपा नापि भविता,
निरालम्बो लम्बोदरजननि कं यामि शरणम् ।
श्वपाको जल्पाको भवति मधुपाकोपमगिरा,
निरातङ्को रङ्को विहरति चिरं कोटिकनकैः,
तवापर्णे कर्णे विशति मनुवर्णे फलमिदं,
जनः को जानीते जननि जपनीयं जपविधौ ।
चिताभस्मालेपो गरलमशनं दिक्पटधरो,
जटाधारी कण्ठे भुजगपतिहारी पशुपतिः,
कपाली भूतेशो भजति जगदीशैकपदवीं,
भवानि त्वत्पाणिग्रहणपरिपाटीफलमिदम् ।
न मोक्षस्याकाङ्क्षा भवविभववाञ्छापि च न मे,
न विज्ञानापेक्षा शशिमुखि सुखेच्छापि न पुनः,
अतस्त्वां संयाचे जननि जननं यातु मम वै,
मृडानी रुद्राणी शिव शिव भवानीति जपतः ।
नाराधितासि विधिना विविधोपचारैः,
किं रुक्षचिन्तनपरैर्न कृतं वचोभिः,
श्यामे त्वमेव यदि किञ्चन मय्यनाथे,
धत्से कृपामुचितमम्ब परं तवैव ।
आपत्सु मग्नः स्मरणं त्वदीयं,
करोमि दुर्गे करुणार्णवेशि,
नैतच्छठत्वं मम भावयेथाः,
क्षुधातृषार्ता जननीं स्मरन्ति ।
जगदम्ब विचित्रमत्र किं,
परिपूर्णा करुणास्ति चेन्मयि,
अपराधपरम्परापरं,
न हि माता समुपेक्षते सुतम् ।
मत्समः पातकी नास्ति,
पापघ्नी त्वत्समा न हि,
एवं ज्ञात्वा महादेवि,
यथायोग्यं तथा कुरु ।
Na Mantram No Yantram Lyrics in English
Na Mantram No Yantram tadapi ch na jane stutimaho,
na chahvanam dhyanam tadapi ch na jane stutikathah,
na jane mudraste tadapi ch na jane vilapanam,
param jane matastvadanusaranam cleshaharanam.
vidheragnyanen dravinavirahenalasataya,
vidheyashakyatvattav charanayorya chyutirabhut,
tadetat kshantavyam janani sakaloddharini shive,
kuputro jayet kvachidapi kumata na bhavati.
pruthivyam putraste janani bahavah santi sarlah,
param tesham madhye viralataralo̕ham tav sutah,
madiyo̕yam tyagah samuchitamidam no tav shive,
kuputro jayet kvachidapi kumata na bhavati.
jaganmatarmatastav charanseva na rachita,
na va dattam devi dravinamapi bhuyastav maya,
tathapi tvam sneham mayi nirupamam yatprakurushe,
kuputro jayet kvachidapi kumata na bhavati.
parityakta deva vividhavidhasevakulataya,
maya panchashiteradhikamapanite tu vayasi,
idanim chenmatastav yadi krupa napi bhavita,
niralambo lambodarajanani kam yami sharanam.
shvapako jalpako bhavati madhupakopamagira,
niratanko ranko viharati chiram koticanakaih,
tavaparne karne vishati manuvarne falamidam,
janah ko janite janani japaniyam japavidhau.
chitabhasmalepo garalamashanam dikpatadharo,
jatadhari kanthe bhujagapatihari pashupatih,
kapali bhutesho bhajati jagadishaikpadavim,
bhavani tvatpanigrahanparipatifalamidam.
na mokshasyakanksha bhavavibhavavanchhapi ch na me,
na vignyanapeksha shashimukhi sukhecchhapi na punah,
atastvam sanyache janani jananam yatu mam vai,
mrudani rudrani shiv shiv bhavaniti japatah.
naradhitasi vidhina vividhopacharaih,
kim rukshachintanaparairn krutam vachobhih,
shyame tvamev yadi kinchan mayyanathe,
dhatse krupamuchitamamb param tavaiv.
apatsu magnah smaranam tvadiyam,
karomi durge karunarnaveshi,
naitacchhthatvam mam bhavayethah,
kshudhatrusharta jananim smaranti.
jagadamb vichitramatra kim,
paripurna karunasti chenmayi,
aparadhaparamparaparam,
na hi mata samupekshate sutam.
matsamah pataki nasti,
papagni tvatsama na hi,
evam dnyatva mahadevi,
yathayogyam tatha kuru.
